ჯანმრთელი ბაღის საიდუმლო -  ერთხელ გასხვლა ერთ ჯერზე

შემოდგომის პერიოდში მერქნიანი მცენარეების მოვლა

ზრდის სეზონის დასასრული საუკეთესო პერიოდია მერქნიანი მცენარეების მოსაჭრელად. გასხვლა აახალგაზრდავებს ხეებს, ღობეებს და ბუჩქებს და საშუალებს აძლევს მათ, რომ უფრო გაიზარდონ, ჰქონდეთ უხვი როდენობით ყვავილები და სქელი ფოთლები. თუმცა ტოტებზე დარჩენილი „ღია ჭრილობა“ შეიძლება ლპობისა და სოკოვანი დაავადებების გამომწვევი იყოს. ასე რომ, მნიშვნელოვანია სუფთა ჭრის უზრუნველყოფა, გასხვლისას სწორი ხელსაწყოების გამოყენებით.

საქმისთვის სწორი ხელსაწყოები

ბუჩქის საკრეჭი ხელის მაკრატელი იდეალურია ბუჩქებისა და ღობეების მიზნობრივი გასხვლისათვის. რეგულარული მოვლა საშუალებას აძლევს მცენარეს, რომ აყვავდეს და სქელი ფოთლები ჰქონდეს. ხეხილის გვირგვინები უნდა იყოს იმ ფორმის, რომ ხელი შეუწყოს ნაყოფიანი ტოტების ოპტიმალურ ზრდას. ახალგაზრდა ხეხილს გასხვლა სჭირდება ყოველწლიურად, ხოლო უფრო ასაკოვანს, მხოლოდ, რამდენიმე წელში ერთხელ. ხერხებთან ერთად ამ სამუშაოს შესრულებისთვის საუკეთესო ხელსაწყოა სეკატორი, მაგრამ მნიშვნელოვანია შესაფერისი პირის არჩევა. Anvil Pruner საუკეთესო არჩევანია მშრალი და მკვდარი ხის მოსაჭრელად, ხოლო, Bypass Pruner უზრუნველყოფს სუფთა და ზუსტ ჭრას მწვანე ხეზე მუშაობისას. ტოტების ტელესკოპური საჭრელები და სეკატორები კი ყველაზე კარგი გამოსავალია მებაღეებისთვის, რომელთაც სურთ მარტივად მოუარონ მაღალ და ხშირ ხეებს.

გააძლიერეთ ხეები, რომ დაიცვათ ცხოველები

ხეები და ბუჩქები უფრო მეტია ვიდრე უბრალოდ ბაღის მიმზიდველი  ელემენტები - ისინი, ასევე, უზრუნველყოფენ ცხოველებს საცხოვრებელი ადგილით, უმეტესწილად ჩიტებს. ზოგ ქვეყანაში აკრძალულია ღობეების და ბუჩქების გასხვლა 1 მარტიდან - 30 სექტემბრის ჩათვლით, რომ საშუალება მისცენ ჩიტებს ააშენონ ბუდე. თუმცა რბილი და ფრთხილი სამუშაოების ჩატარება მაინც დაშვებულია.

განსაკუთრებული სიფრთხილეა საჭირო წიწვოვანი ან სხვა მარადმწვანე მცენარეების გასხვლისას, რადგან მათ ტოტებს შორის დამალული ბუდეები განსაკუთრებით რთული შესამჩნევია. გასხლული ტოტების შენახვა, შეიძლება დაეხმაროს ბაღს, რომ გახდეს უფრო სტუმართმოყვარე: ჩიტებს შეუძლიათ გამოიყენონ მოჭრილი ნაწილები ბუდის ასაშენებლად, ამასთან ერთად, დიდი ტოტები იდეალური „სასტუმროა“ ზღარბებისთვის.

სასურველი ფორმის მიცემისთვის ან გასხვლისათვის სწორი ხელსაწყოების გამოყენება, წელიწადის სწორ დროს, ხელს უწყობს მცენარეების ზრდას და უზრუნველყოფს ბაღის სილამაზეს წლების განმავლობაში.