როგორ შევინარჩუნოთ მწვანე ბაღი ზაფხულში ?

ყველაფერი დამოკიდებულია ბალანსზე: გამოიყენეთ იმდენი, რამდენიც აუცილებელია.

კლიმატის ბუნებრივი კონტროლი

ზოგჯერ დატბორვა პირდაპირი შედეგია იმის, რომ მიწა დაფარულია ასფალტით ან ხრეშით და წყალს არ უტოვებს შესაძლებლობას, რომ გაიწოვოს, ან გაგრილდეს და აორთქლდეს. საპირისპიროდ, ადგილებს, რომლებიც სავსეა მცენარეებით, შეუძლიათ აითვისონ და შეინახონ წყალი, რაც დატვირთვას უხსნის სადრენაჟე სისტემას, ძლიერი წვიმისას. ეს მწვანე ადგილები მარტივად არ ხურდება. ისინი აგრილებენ ჰაერს, აორთქლების მეშვეობით, ფოთლებიდან წარმოქმნიან ჩრდილს. მცენარეები, ასევე, შთანთქავენ წვრილ ნაწილაკებს, წმინდავენ ჰაერს, გამოყოფენ ჟანგბადს და იწოვენ ხმაურსაც კი. რაც ყველაზე მნიშვნელოვანია, ისინი უზრუნველყოფენ ცხოველებსა და მწერებს თავშესაფრით და საკვებით. ყველაზე პატარა ბაღებისა და აივნების ძალაც კი არ უნდა გამოგვრჩეს ყურადღებიდან. ბევრ ადგილას, კერძო ბაღების მთლიანი ტერიტორია აღემატება რეგიონის ბუნებრივ ნაკრძალებს.

ყველას სურს, რომ მათი ბაღი იყოს ლამაზი და მარტივად მოსავლელი მთელი წლის განმავლობაში. მდგრად ბაღში ყვავილობის პერიოდი კი მებაღეებს ხდის ბედნიერს და ამასთან ერთად, საკვებითა და თავშესაფრით უზრუნველყოფს ცხოველებს.

როგორ განსაზღვროთ წყლის სწორი რაოდენობა ?

იხილეთ გზები, თუ როგორ უნდა შეინარჩუნო ბაღში სიმწვანე ცხელი დღეების განმავლობაში.

• მორწყეთ ფესვები და არა ფოთლები
• მორწყეთ მცენარეები ყოველ დილას. ნაკლები წყალი ორთქლდება, როდესაც დედამიწა უფრო გრილია.
• მოერიდეთ ზედმეტი წყლის გამოყენებას, ვინაიდან მცენარეებიც კი შეიძლება „დაიხრჩონ“
• წვიმის წყლის გამოყენება მოსარწყავად უფრო ეკონომიურია და მცენარეებს მოსწონთ რბილი წყალი.
• თიხით მდიდარი ნიადაგი უზრუნველყოფს წყლის ზომიერ მიწოდებას.
• დააჯგუფეთ მცენარეები ერთად მათი საჭიროებების მიხედვით, რადგან მათ ერთნაირი წყლის მოთხოვნილება ექნებათ. შეარჩიეთ ისეთი მცენარეები, რომლებიც მარტივად ერგებიან გარემო პირობებს.

წყლის ჭკვიანურად გამოყენება

ავტომატური წვეთოვანი ირიგაცია მცენარეებს აწვდის ზუსტად იმ რაოდენობით წყალს, რაც მათ ფესვებს სჭირდებათ. სწორი ირიგაცია უზრუნველყოფს, რომ საკვები ნივთიერებები დარჩნენ ნიადაგში, ფესვებთან ახლოს. კიდევ ერთი უპირატესობა ისაა, რომ სისტემა აფერხებს სარეველების გამრავლებას, რადგან წყლის დიდი ნაწილი იწოვება დარგულ მცენარეებში და ყვავილებში.

მორწყვა შეგიძლიათ გამოტოვოთ თუ საკმარისად იწვიმა. ჭკვიან საირიგაციო სისტემებს აქვთ სენსორები, რითაც  ნიადაგის ტენიანობას ზომავენ და ამასთან ერთად, მიაქციეთ ყურადღება ამინდის პროგნოზს. სასურველია, მხოლოდ მაშინ მორწყათ მცენარეები, როცა სჭირდებათ.

ამ ყველაფერთან ერთად მნიშვნელოვანია, რომ დღის სწორ მონაკვეთზე მორწყოთ ბაღი, მეტი ეფექტურობისთვის. თუ მცენარეები მოირწყვება ღამე, ისინი მიიღებენ საჭირო რაოდენობით წყალს ცხელი დღის დაწყებამდე